एमाले कैलाली चुनाव: १०० मत गन्दा अध्यक्षमा ढुङ्गानाको पल्ला भारी सचिवमा को ? 

नेकपा एमाले कैलाली जिल्लाको निर्वाचनको मतगणना सुरु भएको छ । १०० मत गणना गर्दा सम्म अध्यक्षका उम्मेदवार यज्ञराज ढुङ्गाना भारी मतले अगाडी छन् । उनको ५७ मत छ । त्यस्तै अर्का उम्मेदवार डेजी पाण्डेको ३१ र दुर्गा जोशीको १० मत रहेको छ ।

उपाध्यक्षमा दलबहादुर विष्टको ४१, लोकेन्द्र बहादुर शाहीको २८, विष्णु बहादुर चौधरीको १६ र गजेन्द्र बहादुर स्वारको २ मत रहेको छ ।

सचिवमा दानबहादुर विश्वकर्माको ३२, विष्णुकुमार चन्दको ३१ र ममता प्रसाद चौधरीको ३० मत रहेको छ ।

उपसचिवमा चूडामणि भट्टको ४३,नृप थ्यायत खड्काको १८ भुवन रिजालको १७ र राजु गुरुङको ११ रहेको छ ।

उपसचिव महिलामा गङ्गा कुमारी चौधरीको ३६, शान्ति देवी सिंहको २४, अम्बिका विष्ट मल्लको १९ र रत्ना कुवर जोशीको १५ मत रहेको छ ।

आज ५८० जनाले मतदान गरेका थिए ।